
Ardaa Jilaa Qixxee Waayyuu waggoota 63 oliif cufame banamuu Waajjirri Aadaa fi Tuurizimii beeksise. Itti gaafatamaan waajjirichaa obbo Kamaal Badhaasoo akka jedhanitti, iddoon kun, ganda Malkaa Shaalloo naannoo haroo kanaatti, bakka ummanni Oromoo naannoo sanaa seera isaa itti baase, yeroo rakkisaa keessatti walitti qabamee qajeelfama itti argate ta’uu ibsaniiru. Abbaan Gadaa Abdurrahimaan Dhaqqabii iddoo kadhannaa fi walga’ii ta’uu ibsuun, mootummoonni duraanii hawaasa irraa fudhatanii akka turan dubbataniiru. Waajjirri kun akka jedhutti bakki kun turizimiidhaafis carraa cimaa qaba.